आमच्याबद्दल

लातूर जिल्हा महाराष्ट्र राज्याच्या आग्नेय भागात वसलेला आहे. जिल्ह्याचा बहुतांश भाग शेतीप्रधान असून येथील लोकांचा मुख्य व्यवसाय शेती आहे. सोयाबीन व ऊस ही येथील प्रमुख नगदी पिके आहेत. तसेच ज्वारी, गहू, तूर, मूग, उडीद, हरभरा व भूईमूग यांचीही मोठ्या प्रमाणात लागवड केली जाते.

लातूर शहराजवळ अनेक साखर कारखाने व ऑईल मिल्स असल्यामुळे हा जिल्हा व्यापाराच्या दृष्टीनेही महत्त्वाचा मानला जातो. महाराष्ट्र व कर्नाटक राज्यांच्या सीमेवर वसलेला हा जिल्हा रेल्वे व रस्ते वाहतुकीने जोडलेला आहे.

शिक्षण क्षेत्रात “लातूर पॅटर्न” मुळे हा जिल्हा संपूर्ण राज्यात प्रसिद्ध आहे.

शेती व उत्पादन

गावामध्ये शेती हा प्रमुख व्यवसाय असून सोयाबीन, मूग, उडीद, ऊस तसेच विविध भाजीपाल्याची लागवड केली जाते. काही शेतकऱ्यांकडे सिंचनाची सुविधा उपलब्ध असल्यामुळे ऊस व भाजीपाल्याचे उत्पादन मोठ्या प्रमाणात घेतले जाते.

पर्यावरण व जैवविविधता

अंबुलगा ग्रामपंचायतीमध्ये वन व्यवस्थापन समिती (JFM) व जैवविविधता व्यवस्थापन समिती (BMC) स्थापन करण्यात आलेल्या आहेत. गावातील लोक आवळा, आंबा, जांभूळ, पेरू इत्यादी फळझाडांची लागवड करून त्यांचा उपयोग औषधी व बागायती कामांसाठी करतात.

सण व उत्सव

वेळ अमावस्या, दिवाळी तसेच इतर सर्व राष्ट्रीय व धार्मिक सण गावामध्ये मोठ्या उत्साहात साजरे केले जातात. गणेशोत्सव, शारदा उत्सव, दुर्गा उत्सव, होळी, रंगपंचमी, नागपंचमी, मकरसंक्रांत हे गावातील प्रमुख सण आहेत.

बैलपोळा – या सणामध्ये शेतकरी आपल्या बैलांची पूजा करून त्यांना सजवतात व कृतज्ञता व्यक्त करतात.

हंगाम व पाऊस

साधारणतः गावातील बहुतांश लोक शेतीवर अवलंबून असल्यामुळे खरीप हंगामात सोयाबीन पेरणी व ऊस लागवड मोठ्या प्रमाणात केली जाते. वेळ अमावस्येच्या दिवशी शेतकरी शेतामध्ये पूजा करतात व चांगल्या उत्पादनासाठी देवाकडे प्रार्थना करतात. त्या निमित्ताने नातेवाईक व मित्रपरिवार यांना जेवणासाठी व आंबील पिण्यासाठी आमंत्रित केले जाते.

जिल्ह्यात नैऋत्य मान्सूनमुळे पावसाळा सुरू होतो. साधारणतः जुलै ते सप्टेंबर या कालावधीत पावसाळा असतो. काही वर्षांमध्ये पर्जन्यमान कमी असल्यामुळे शेती उत्पादनावर त्याचा परिणाम होतो.